Simplylife Bakery Cafe (已結業)

係門口同侍應講兩位，之後叫我地格離等等，然後其他客相繼黎到，侍應就去接待其他客，同佢地講返２：３０截午餐，３點先有下午茶。侍應分別接待左兩台客，之後先黎安排我地入座。個湯好健康，有藜麥係入面　good隻湯匙洗得唔乾淨，唔想麻煩侍應們，所以唔換都冇咩所謂。賣相都算可以，食物味道先係重點。炒蛋滑！不錯，有少少蛋味。麵包呢，就有焦味加燶味。（可能係炭燒味呢）塊煙肉有冇可能乾成甘呢？唔講唔知以為食緊豬肉乾呀~邊位全部都系焦黎既個闊條麵相對上就好好多啦，係有ｄ略咸。總括黎講，服務方面有待改善，食物方面就比較參差，值得一提係個環境幾好，上面天花係玻璃窗，下午去食野果陣個感覺係幾開揚。