翠華餐廳 (海趣坊) (已結業)

閒日想食早餐，一定會揀翠華，雖然啲人話翠華上市後愈做愈差，又話只做大陸人生意，其實都唔係嘅，我覺得佢個炒蛋炒得好有heart，起碼唔會係好熟嗰隻，真係滑蛋先囉！另外佢個通粉湯底都幾正，濃得嚟唔係重味精嗰隻，飲得落口嘅都唔錯。我叫A餐，再轉炒蛋，佢都肯轉俾我，如果出面啲茶餐廳，就未必俾你轉喇，所以不得不讚一下啲侍應姐姐。不過相信只限於早餐，我覺得唔錯。曾經食過午市嘅飯，一般貨色，價錢仲要有返咁上下。