利苑酒家 (已結業)

和同事兩個人去利苑食晏,訂咗枱都要限時交場,態度重好似好勉強咁。一坐落即刻有人推銷貴價點心小菜,如果冇幫襯,連行貨笑容都收走埋。食物水準大致保持,但冰燒肉太肥,叉燒包太咸,既然叫得做招牌菜,應該好啲。食咗8樣點心,虾餃和素鵝仍然是好味。埋單時問攞泊車票,嗰種咀臉真係懷疑停車場係佢開嘅。今餐238,如果服務好啲....其實都唔係十分差,不過咁大個招牌,佢哋老闆重成日強調自己管理點好點好,就真係令人噴飯。