侍元

營業中

休息中

我以為呢一間係日本連鎖小餐廳，我以為點唔好食都會有個水準，所有都係我以為。確實價錢好大眾化，確實選擇十分多。但係真係一啲都唔好食！如果你話好食嘅話，我相信接受到嘅人應該本身冇乜要求。照燒雞肉飯，根本就係炸雞肉飯，仲要炸到好乾嗰隻，然後加啲汁就完結咗。叉燒豬骨拉麵，根本就係味千拉麵嘅翻版，但係我覺得味千拉麵仲好食啲，呢個味精仲重啲。套餐搭配嘅凍檸茶，根本就係雀巢檸檬茶。套餐搭配嘅餃子，根本就係炸乾餃子，仲要炸到個皮硬晒。唯一最正常就係套餐搭配嘅炸雞，因為其他嘢嘅唔正常，所以我覺得佢係唯一我可以接受到，完！