影片
更多
2022-11-09
47 瀏覽
天氣涼涼地，唔係燒肉就打邊爐雞煲㗎啦，今次就揀咗燒肉先，勁掛住去日本嘅日子❤️餐廳今次出咗8:30後割引時段🥰8:30後有啲食物半價咁平，真係好抵食，但有啲食物就唔會喺呢張特價紙上邊，不過基本上想食嘅嘢都會喺呢張紙上邊，當然份量會少啲冇原價咁多，但係兩個人都已經夠食👍🏻👍🏻👍🏻和牛拼盤 呢個拼盤真係好抵食，乜都有啲， 份量我都覺得足夠，因為有時如果食太多又會好膩口既感覺😊高質嘅牛肉係唔需要搭配任何調味料就可以即刻燒嚟食，只要配少少Wasabi或者岩鹽已經好好味燒雞皮記得去日本食燒肉嘅居酒屋，不得不叫嘅就係燒雞皮，因為真係好好食，唔好以為好多脂肪，其實佢只係一塊皮，脂肪已經預先切走晒👍🏻👍🏻👍🏻燒到佢脆脆地就非常之香口特濃芝士醬配薩摩雞腿肉呢個真係不得不讚，雞腿肉滑捋捋，芝士醬超級多，店員教我哋先整溶啲芝士醬，然後雞腿肉先燒香，最後搭配芝士醬一齊放入口，試過一嚿之後真係食唔停，芝士醬鹹鹹香香，配雞腿肉竟然別有一番風味，從來都未試過咁樣食，今次試過之後下次都一定要encore牛油金菇菇菌類係我嘅至愛，所以牛油金菇係必定order，超級香牛油味生蠔，元貝，西京銀鱈魚試吓叫下啲海鮮嚟食，竟然都好
天氣涼涼地，唔係燒肉就打邊爐雞煲㗎啦，今次就揀咗燒肉先，勁掛住去日本嘅日子❤️
餐廳今次出咗8:30後割引時段🥰
8:30後有啲食物半價咁平，真係好抵食，但有啲食物就唔會喺呢張特價紙上邊，不過基本上想食嘅嘢都會喺呢張紙上邊，當然份量會少啲冇原價咁多，但係兩個人都已經夠食👍🏻👍🏻👍🏻
和牛拼盤
呢個拼盤真係好抵食，乜都有啲， 份量我都覺得足夠，因為有時如果食太多又會好膩口既感覺😊
高質嘅牛肉係唔需要搭配任何調味料就可以即刻燒嚟食，只要配少少Wasabi或者岩鹽已經好好味
燒雞皮
記得去日本食燒肉嘅居酒屋，不得不叫嘅就係燒雞皮，因為真係好好食，唔好以為好多脂肪，其實佢只係一塊皮，脂肪已經預先切走晒👍🏻👍🏻👍🏻燒到佢脆脆地就非常之香口
特濃芝士醬配薩摩雞腿肉
呢個真係不得不讚，雞腿肉滑捋捋，芝士醬超級多，店員教我哋先整溶啲芝士醬，然後雞腿肉先燒香，最後搭配芝士醬一齊放入口，試過一嚿之後真係食唔停，芝士醬鹹鹹香香，配雞腿肉竟然別有一番風味，從來都未試過咁樣食，今次試過之後下次都一定要encore
牛油金菇
菇菌類係我嘅至愛，所以牛油金菇係必定order，超級香牛油味
生蠔，元貝，西京銀鱈魚
試吓叫下啲海鮮嚟食，竟然都好新鮮，超級好味，元貝都大大粒，值得推介嘅係西京銀鱈魚，以為佢冇味，因為見佢冇任何醬汁，點不知燒完放入口之後係咁好味😋
炸雞軟骨，枝豆
炸雞軟骨熱辣辣，非常之香脆，裏面好軟身，份量亦都好多
呢啲小食都係8:30後時段特價嘅小食，真係好抵食👍🏻👍🏻👍🏻
張貼
