曜 (已結業)

裝修設計簡約，欣賞嘅係食物加左創意元素，好有心思！點左兩個lunch set，配有前菜、茶碗蒸同埋鯛魚湯！👉🏻蟹黃碳煮鮑魚伴日本花山烏冬 $268用大閘蟹蟹黃，本身會好鹹，但師傅就巧妙加入毛蟹同阿拉斯加蟹肉去中和番，鮮味一流，加上彈牙嘅鮑魚，兩者結合令口感更豐富！另外，個布烏冬好大塊，好煙韌又滑溜，仲有雞湯，好入味！👉🏻花膠雞湯果凍呢個前菜好特別，入口好嫩滑，用花膠同龍蝦汁製成，果凍嘅質感，一試難忘！👉🏻茶碗蒸好軟滑，唔係加入傳統用嘅海鮮，而係加左粟子蓉，用蟹黃鋪面絕對係錦上添花！👉🏻鯛魚湯足足5斤黃腳立再加蜜柑鯛去熬，無腥味，無添加，好濃郁嘅魚湯！👉🏻壽司定食十件 $328最中意係有拖羅、赤蝦、銀鱈魚同右口魚！鮮味，爽彈，油份爆發！師傅話晚市仲可以做客人發辦，自己話事定中意嘅menu，務求食得開心！