影片
更多
2016-12-12
657 瀏覽
呢個集團既餐廳我都試過好幾間，全部都係日本菜，岩晒我口味，而且質素仲好唔錯添，知道佢地開左間橫濱拉麵，我當然要試試啦餐廳以全吧枱形式，大家可以一路欣賞住師父表演啦如果係鳥居同漁穫的會員，去LIKE佢地FACEBOOK，拉麵就可以買一送一，真係好抵，可惜我唔係會員啦，黑板上的推介以全日文寫上，令客人真係置身於日本餐廳一樣想簡簡單單的有豚骨拉麵或味噌豚骨拉麵，另外鐘意試創意作的就有海膽拉麵、松葉蟹拉麵、白貝蜆拉麵，今日白貝蜆拉麵停售，鐘意食試野o既我地當然要點海膽拉麵同松葉蟹拉麵啦湯底可以揀選豚骨或味噌，亦可跟據個人口味揀選幼或粗麵及軟硬度，唔鐘意蔥的我仲可以走蔥添跟一般拉麵店一樣，有無料調味料提供，仲有我最愛的辣芽菜同炸蒜片燒牛舌 ($68)我好鐘意食牛舌，特別係厚切的，呢度就正正岩晒我心水，連埋炸蒜片一齊食就最夾，香口非常，好多餐廳燒牛舌都會過鹹，特別欣賞調味做得剛好煎餃子 ($38)每次食拉麵，我都一定要點煎餃子，咁樣o既配搭先最perfect池，餃子只要煎得外皮夠脆，都唔會差得去邊，今次特別在個醬汁，我相信一般餐廳只會用樽裝餃子汁，但呢度就用碎蔥同醬汁一齊煮，有蔥的香，醬汁亦比平常
餐廳以全吧枱形式，大家可以一路欣賞住師父表演啦
如果係鳥居同漁穫的會員，去LIKE佢地FACEBOOK，拉麵就可以買一送一，真係好抵，可惜我唔係會員啦，黑板上的推介以全日文寫上，令客人真係置身於日本餐廳一樣
想簡簡單單的有豚骨拉麵或味噌豚骨拉麵，另外鐘意試創意作的就有海膽拉麵、松葉蟹拉麵、白貝蜆拉麵，今日白貝蜆拉麵停售，鐘意食試野o既我地當然要點海膽拉麵同松葉蟹拉麵啦湯底可以揀選豚骨或味噌，亦可跟據個人口味揀選幼或粗麵及軟硬度，唔鐘意蔥的我仲可以走蔥添
跟一般拉麵店一樣，有無料調味料提供，仲有我最愛的辣芽菜同炸蒜片
燒牛舌 ($68)我好鐘意食牛舌，特別係厚切的，呢度就正正岩晒我心水，連埋炸蒜片一齊食就最夾，香口非常，好多餐廳燒牛舌都會過鹹，特別欣賞調味做得剛好
煎餃子 ($38)每次食拉麵，我都一定要點煎餃子，咁樣o既配搭先最perfect池，餃子只要煎得外皮夠脆，都唔會差得去邊，今次特別在個醬汁，我相信一般餐廳只會用樽裝餃子汁，但呢度就用碎蔥同醬汁一齊煮，有蔥的香，醬汁亦比平常的較甜
原匹松葉蟹拉麵 ($298)一上枱真係霸氣十足，原隻松葉蟹呈現眼前，由於實在太大隻，餐廳都好細心另外俾隻碟俾我地放隻松葉蟹，松葉蟹蟹腳蟹身表面的殼已經去除，方便進食，而蟹蓋的蟹膏都已經另外放到拉麵上，松葉蟹蟹肉食落一絲絲咁，肉質鮮甜，蟹膏混入拉麵一齊食，香氣逼人
除左松葉蟹，仲有白貝蜆同大量黑木耳，因為有海鮮的關係，比一般的湯底多了一份鮮味，拉麵我揀左粗麵，硬度揀選左硬，拉麵煮得剛剛好熟，十分彈牙
海之幸拉麵 ($198)同樣選了味噌湯底同粗麵，上枱時同樣令人賞心悅目，一整板的海膽放係拉麵上，呢個配搭實在十分有創意，海膽鮮甜，可配紫菜或拉麵同吃，兩種不同的味覺享受
跟松葉蟹拉麵一樣，有大約8隻白貝蜆，另加大量菠菜
呢兩款拉麵的配搭實在令人眼前一亮，有創意之餘，食材亦保持集團一貫高質素
俾個TIPS大家，將一半海膽同一半松葉蟹各自分俾同行人，咁咪可以一次過滿足晒兩個願望囉~
張貼
