Nomad Burger (德民大廈) (已結業)

作為喜歡海鮮美食的我，一見到海報的’‘海膽’‘同’‘炸蠔’‘的配搭為之食指大動，如果同漢堡薯條一齊又會點呢？好奇心底下，相約左同樣都係鐘意食海鮮同漢堡既朋友一齊去探訪一下。一直都知道紅磡美食多，去到NOMAD BURGER 店址附近都有好多唔同的國家既菜式啊，有機會要再發掘一下。今次先試主角漢堡。NOMAD BURGER係一間地方細細的店，全白色的外牆同街上其他的店舖外觀別具一格，對面係一間泰國餐廳，特別容易認出。放工揸車去到已經差不多19:15，傍晚時分已經有一條小人龍，因為每日只售限定30個加拿大海膽炸蠔漢堡，心入面都有點擔心撲空而回，默默期待要有啊！Menu有3款套餐選擇，有加薯條同飲品、薯餅同飲品和黑松露薯條同飲品。我同朋友分別都叫左兩款薯條同飲可樂，哈哈，食漢堡一定要配埋可樂先大滿足！排隊大概5分鐘左右，有期待已久既海膽炸蠔漢堡啊！買完滿心期待開車去了紅磡碼頭度食。一打開包裝紙滿滿既海膽醬汁，加兩隻炸蠔，我揀左牛油漢堡，漢堡包係用爐烤左一面，令牛油漢堡有口感又香牛油，炸蠔用既生粉同面粉唔厚，蠔size適中；漢堡靈魂所在的海膽汁都好濃味，套餐加薯條同飲品價錢適中，下個季節期待再