影片
更多
2023-05-22
57 瀏覽
📍小包包 (Fashion Walk) (銅鑼灣)👩🏻試試好出名嘅fusion包包。食材配搭特別之餘效果唔錯。佢哋仲有seasonal special dish！🌮墨西哥炸雲吞 $98Taco皮包住滿滿嘅蝦膠，鮮甜又彈牙。最鍾意佢個四川辣油菠蘿莎莎，酸酸甜甜又有少少麻香嘅感覺。整體配搭好有驚喜。🥟慢煮牛腩骨煎餃 $128牛腩腍到有化開嘅感覺，充滿肉汁。配搭嘅coleslaw特別加咗少少麻油，冇平時食開嘅咁酸，反而有一種溫和嘅香味。🥙招牌豬腩包 $98豬腩軟腍入味，吸收晒香甜嘅醬汁，又有啖啖豬油香。加埋大蔥紫蘇葉沙律，味道好香又唔會好滯。🍗炸三黃雞包 $108用嘅係新鮮三黃雞嘅雞髀，所以特別好食。雞皮炸到脆卜卜，雞肉又嫩又多汁。炸雞控一定要試下。🍦綠茶雪糕包 $48炸饅頭已經夠晒好食，加埋雪糕就更吸引！饅頭外脆內軟，綠茶雪糕又香又濃。🍦Dear Gingy $68薑味撞焦糖好易入口，比起綠菜味更特別。🍹Guavalada $58Guavalada有蕃石榴嘅清甜，同埋熱情果嘅濃濃果香。味道超夾，而且係少有唔會甜到膩嘅熱情果飲品。🍹Chrysanthemum Lemonade $58呢杯相對
👩🏻試試好出名嘅fusion包包。食材配搭特別之餘效果唔錯。佢哋仲有seasonal special dish！
🌮墨西哥炸雲吞 $98
Taco皮包住滿滿嘅蝦膠，鮮甜又彈牙。最鍾意佢個四川辣油菠蘿莎莎，酸酸甜甜又有少少麻香嘅感覺。整體配搭好有驚喜。
🥟慢煮牛腩骨煎餃 $128
牛腩腍到有化開嘅感覺，充滿肉汁。配搭嘅coleslaw特別加咗少少麻油，冇平時食開嘅咁酸，反而有一種溫和嘅香味。
🥙招牌豬腩包 $98豬腩軟腍入味，吸收晒香甜嘅醬汁，又有啖啖豬油香。加埋大蔥紫蘇葉沙律，味道好香又唔會好滯。
🍗炸三黃雞包 $108
用嘅係新鮮三黃雞嘅雞髀，所以特別好食。雞皮炸到脆卜卜，雞肉又嫩又多汁。炸雞控一定要試下。
🍦綠茶雪糕包 $48
炸饅頭已經夠晒好食，加埋雪糕就更吸引！饅頭外脆內軟，綠茶雪糕又香又濃。
🍦Dear Gingy $68
薑味撞焦糖好易入口，比起綠菜味更特別。
🍹Guavalada $58
Guavalada有蕃石榴嘅清甜，同埋熱情果嘅濃濃果香。味道超夾，而且係少有唔會甜到膩嘅熱情果飲品。
🍹Chrysanthemum Lemonade $58
呢杯相對地淡啲，感覺上係凍嘅秋冬滋潤特飲。
📍小包包 (Fashion Walk) (銅鑼灣)
銅鑼灣京士頓街9號Fashion Walk 地下H1號舖
張貼
