龍麵館 (已結業)

因為媽媽好鍾意食龍蝦，朋友亦都推介，話賣相精緻，蠻有特色，所以就同屋企人黎下！

龍蝦蘿蔔酥 
師父在傳統點心蘿蔔酥之中加入龍蝦肉，入面除了有龍蝦肉，更加入馬蹄粒、芫茜碎造成餡料酥炸，造型別緻！龍蝦酥賣相一流，蘿蔔絲酥就食過好多次，但係龍蝦酥真係第一次，所以加分！咬落去，大大啖龍蝦肉，個酥個質感係蘿蔔絲酥個皮，略嫌個皮有點厚，唔夠鬆脆，味道幾好，別得出龍蝦鮮味！但只可以吃小小，因為食得多有點膩！

芝士龍蝦伊麵
難得黎到，緊係試埋佢個龍肉芝士龍蝦伊麵，呢到嘅芝士汁味道好出色，見到係深深黃黃既色，唔係用一般芝士，應該係用了車打芝士！成個醬汁夠厚身，所以伊麵可以掛起哂啲汁，正！龍蝦肉又夠爽口！西班牙黑毛豬叉燒
估唔到個黑毛豬叉燒咁出色！用熱盤同熱石盛住，令到個叉燒夠熱，又唔會太肥，用黑毛豬嘅肉質好軟腍，仲有小小脆邊，又夠入味！


媽媽話好食，仲叫多左碟！