The Little Corner (已結業)

大熱天時最開心就係食雪糕朋友話我知呢度開左間小店有啤酒雪糕食咩話?啤酒雪糕?聽完真係覺得好吸引!**宇治抹茶雪糕 $30**(紅豆/白玉/抹茶曲奇+$3，朱古力葉$2)身為绿茶控，點可以唔叫呢個呢!加左白玉同紅豆(前後+$6)，呢個組合真係無得頂!**粉紅仙子 $44**最期待嘅雪糕來啦！個名改得好好聽，食落味道好特别，雪糕係用Hoegaarden Rosee整，自家製啤酒雪糕，我諗啤酒雪糕係得呢度先有，老闆話都幾難整，應該無咩人做。之前一直都好想試呢隻口味啤酒，今次終於試到啦！好開心。雪糕面頭有d爆炸糖，食落感覺好過癮，紅色一粒粒果d係桑莓脆脆，食落口感好香脆，最正係食完唔會口渴，又唔太甜。每日味道都唔同**Hoegaarden Rosee $25**同朋友share一支，食完雪糕啤啤佢，感覺超爽啊！酒飲落舒適，有微微酸味，好正!舖頭雖然細細，但感覺老闆非常用心製作美食，食物算獨特創新，值得一試。