番茄18

營業中

休息中

將軍澳南開左好多餐廳，好多都好似幾正咁。呢日就黎試下呢間人氣小店。呢度d裝修係用懷舊將軍澳做主題，感覺幾長清，充滿打卡位。雖然係小店，但野食選擇都吾少。呢杯華田脆脆，睇樣就知好足料。紅綠椰冰既椰味十足，好香又有豆豆既口感，係一杯幾解暑既野飲。麻辣番茄米線叫左少辣。雖然真係少辣(吾食辣既我都可以吾洗飲水)，湯底既麻辣味都幾出，後勁既蕃茄味都夠突出，比一般米線店的蕃茄湯底更特別同惹味。招牌胡椒豬肚米線份量好大，夠兩個女人或1個大男人食。米麵爽口有米香，胡椒豬肚味道有家既感覺，飲哂成碗湯都吾會口渴。招牌瑞士雞髀好入味，但都保留到少少雞味同肉汁，值得一試。招牌木碎花生多士真係好特別。脆口既多士，配埋花生碎同煉奶。未食前以為花生碎會sip牙縫，食落發現花生碎真係磨得好細滑，真係好似木碎咁，幾過癮喎。