影片
更多
2018-09-22
319 瀏覽
一入到去已經覺得好似去咗日本咁，唔單止大廚係日本人，仲有兩枱食客係日本人，咁就證明啲野食夠晒正宗啦！餐廳地方唔算大，但係個環境同氣氛都好舒服，好適合同朋友小酌兩杯。我地好好彩被安排坐係吧台位置，可以望住師傅整野食，真係視覺同味覺都同時享受到。我地嗌咗清酒煮蜆、紅酒煮牛舌、網燒黑毛和牛西冷、炸南蠻雞同埋海膽蒸籠飯。先嚟清酒煮蜆，個湯一流，濃得嚟唔係只得酒味。試埋隻蜆，一入口係蔥味，然後蜆味，最後係淡淡既酒味，夠哂有層次。第二道菜係網燒黑毛和牛西冷，呢個睇食評見好多人推介，果然冇令人失望。個擺盤好精緻，有酸汁、燒汁、芥末醬、鯷魚加橄欖同海鹽俾你點黎食，同一個菜，由唔同醬汁帶畀你唔同嘅味道。個人覺得海鹽最可以帶出個肉味同鮮味，加上海鹽既咸味，令你食到最後都唔覺得膩。和牛生熟程度啱啱好，出面係煎到僅脆既，裡面入口即溶，一入口係油脂味加埋好重既牛味，好香口。黑毛和牛食左一半，紅酒煮牛舌就上埋。實在係令人太驚喜既一道菜，冇諗過個牛舌係咁厚身，淋到唔需要點用刀切，好入味。之後係炸南蠻雞，好欣賞餐廳會見你上一道菜食得七七八八先上菜，叫煎炸野唔洗驚會淋。炸雞個皮炸得好香口，不過驚喜位喺塔塔醬到，食落知道
餐廳地方唔算大，但係個環境同氣氛都好舒服，好適合同朋友小酌兩杯。我地好好彩被安排坐係吧台位置，可以望住師傅整野食，真係視覺同味覺都同時享受到。
我地嗌咗清酒煮蜆、紅酒煮牛舌、網燒黑毛和牛西冷、炸南蠻雞同埋海膽蒸籠飯。
先嚟清酒煮蜆，個湯一流，濃得嚟唔係只得酒味。試埋隻蜆，一入口係蔥味，然後蜆味，最後係淡淡既酒味，夠哂有層次。
第二道菜係網燒黑毛和牛西冷，呢個睇食評見好多人推介，果然冇令人失望。
個擺盤好精緻，有酸汁、燒汁、芥末醬、鯷魚加橄欖同海鹽俾你點黎食，同一個菜，由唔同醬汁帶畀你唔同嘅味道。個人覺得海鹽最可以帶出個肉味同鮮味，加上海鹽既咸味，令你食到最後都唔覺得膩。和牛生熟程度啱啱好，出面係煎到僅脆既，裡面入口即溶，一入口係油脂味加埋好重既牛味，好香口。
黑毛和牛食左一半，紅酒煮牛舌就上埋。
實在係令人太驚喜既一道菜，冇諗過個牛舌係咁厚身，淋到唔需要點用刀切，好入味。
之後係炸南蠻雞，好欣賞餐廳會見你上一道菜食得七七八八先上菜，叫煎炸野唔洗驚會淋。炸雞個皮炸得好香口，不過驚喜位喺塔塔醬到，食落知道落左功夫，唔會得個酸字，但令到炸雞一啲都唔膩，好夾。
最後係海膽蒸籠飯，朋友本身鍾意食海膽所以冇乜驚喜。就係暖暖既海膽同壽司飯既配搭，食落較為乾身，如果有汁撈可能會好啲。
上菜時會分開畀埋紫菜絲你自己撈，記得要分散啲倒落去，如果唔係啲飯仲熱，會痴住哂啲紫菜冇得撈。
值得一讚既係啲staff既服務態度好好，走個陣仲會送到去𨋢口，令你感受到咩叫高級日本料理。
張貼
