莊館 (已結業)

利園三期開咗呢間新派中菜莊館，難得中午有時間就同朋友lunch嚟咗呢度食~煙燻茶雞好食，煙熏味足夠，個皮脆到好似燒肉咁，不過肉質稍微有少少乾，但係唔影響成個餸菜嘅印象。呢個紅燒獅子頭都好好食，肉質鮮嫩多汁，配合醬料恰到好處。呢個聖子都好好味，上面有啲醋珠同埋蒜蓉，感覺好協調，有少少微辣嘅感覺。甜品方面，呢個椰王西米冇得輸，椰香好濃好香，西米都煮到晶瑩剔透，每一粒都係心機，之後出街先食到咁好食嘅。西瓜糕個樣好可愛，係打卡之選，都算係己有特色同埋特別嘅菜式。