影片
更多
2023-01-03
19 瀏覽
💎總評分：7.0/10-某日收到新店邀請試食💌，見佢食物賣相精緻，大坑嘅餐廳應該有返咁上下水準，weekend嚟到好快見人龍。小店空間不大主要以細枱為主，橙啡色調配木製枱櫈🪵，幾有民族風。1️⃣ 泰式肉碎脆球 $108其實係平時泰式肉碎生菜包嘅變奏版，靈感取自印度小食Pani puri， 用咗圓形脆球代替生菜，肉碎調味漢分💯，適當嘅辣加上香草嘅調味🌶️，上枱時傳來陣陣香味。肉碎足夠塞滿咁多個波波😝，同用生菜包住係兩種截然不同嘅質感！雖然脆球好大個，但強烈建議擘大個口一啖食晒先至可以完美地體會到脆球爆破一刻嘅快感🤪。2️⃣ 泰式蝦油大蝦炒金邊粉 $119相比之下pad thai比較常見，用左蝦油去炒帶出更濃蝦香🦐，質感乾身不會過於油膩，但略嫌麵條夾起嚟時好易斷🙈，大蝦未夠爽彈，整體還是相當惹味👌🏻。3️⃣ 冬陰公雞寶 $68 因為唔知雞寶係咩，店員話係炸雞，點知完全係兩回事😅。雞卷上面放咗好多芫荽、香茅等香料，主要以泰式酸辣醬調味🌶️，食材普通份量較細，性價比無其他食物高🤔。4️⃣ 雙色芒果黑白糯米脆筒 店內主打必點✨~亦係目前唯一一個dessert。將傳統芒果糯米飯升級🥭，倒轉嘅雪糕筒成功吸睛👀，仲有食用
-
某日收到新店邀請試食💌，見佢食物賣相精緻，大坑嘅餐廳應該有返咁上下水準，weekend嚟到好快見人龍。小店空間不大主要以細枱為主，橙啡色調配木製枱櫈🪵，幾有民族風。
1️⃣ 泰式肉碎脆球 $108
其實係平時泰式肉碎生菜包嘅變奏版，靈感取自印度小食Pani puri， 用咗圓形脆球代替生菜，肉碎調味漢分💯，適當嘅辣加上香草嘅調味🌶️，上枱時傳來陣陣香味。肉碎足夠塞滿咁多個波波😝，同用生菜包住係兩種截然不同嘅質感！雖然脆球好大個，但強烈建議擘大個口一啖食晒先至可以完美地體會到脆球爆破一刻嘅快感🤪。
2️⃣ 泰式蝦油大蝦炒金邊粉 $119
相比之下pad thai比較常見，用左蝦油去炒帶出更濃蝦香🦐，質感乾身不會過於油膩，但略嫌麵條夾起嚟時好易斷🙈，大蝦未夠爽彈，整體還是相當惹味👌🏻。
3️⃣ 冬陰公雞寶 $68
因為唔知雞寶係咩，店員話係炸雞，點知完全係兩回事😅。雞卷上面放咗好多芫荽、香茅等香料，主要以泰式酸辣醬調味🌶️，食材普通份量較細，性價比無其他食物高🤔。
4️⃣ 雙色芒果黑白糯米脆筒
店內主打必點✨~亦係目前唯一一個dessert。將傳統芒果糯米飯升級🥭，倒轉嘅雪糕筒成功吸睛👀，仲有食用花令賣相更加精緻😍。芒果鮮甜唔酸，黑白糯米煙韌，配椰奶本就是天作之合，overall味道好喜歡♥️。
5️⃣ 泰式奶茶 $45；青檸梳打 $46
本來想叫嘅椰青波波售罄🙈，取而代之嘅青檸梳打清新解喝👌🏻。泰式奶茶有水準，茶底香濃🫖，貫徹一般泰式奶茶偏甜。
小店食物質素的確唔錯，賣相道方令人滿意🫶🏻，主打即叫即製，但等候時間實在有啲耐🫣，尤其係weekend lunch，上菜速度係一個重要因素，。相信小店剛開業不久，menu款式應該會陸續添加，期待到時有更多甜品選擇啦!
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
張貼
