龍泉冰室 (已結業)

今次嚟到位於九龍城嘅龍泉冰室🌟平時嚟九龍城食得泰國嘢多 咁啱經過想食下茶餐廳😚見招牌軟殼蟹菠蘿包幾吸引！就決定trytry😋——————————————————❶ 招牌軟殼蟹菠蘿包 $45見好多人都推薦招牌軟殼蟹菠蘿包 於是決定嗌嚟試吓✨ 由於軟殼蟹係即叫即炸 所以都要等一陣🌟佢係菠蘿包夾住軟殼蟹、半溶芝士、沙律醬、蕃茄、沙律菜🤙🏻軟殼蟹炸得外脆內軟 而菠蘿包焗得好香😚 成個配搭幾得意！嚟到必嗌！❷秘製蔥油撈公仔麵 配蜜汁叉燒煎雙蛋 $53超！級！大！碟！🙀 公仔麵份量好多！相信男仔都會夠食😚幾欣賞佢蔥油、甜豉油分開上✨ 可以比自己選擇份量落去🤙🏻！叉燒略嫌少乾 不過好彩蔥油好香 再加埋太陽蛋嘅蛋汁 配埋公仔麵都唔錯😋❸ 咕嚕雞球 $68咕嚕雞肉酸酸甜甜😚而且仲要每一舊雞都勁大嚿❗️差唔多每一件都係半塊雞扒嘅大細🤣仲要有大概7-8件🙈食落都有雞肉唔會剩係得個炸皮🙌🏻但係就略嫌個皮唔夠脆😢仲有啲青椒 紅椒 蜜桃👻叫左少飯都仲係好大碗飯🤣🤣成個餐都好足料！🤰🏼➍ 鹹檸七喜 $25純粹行過嚟太熱 好想飲杯鹹檸七喜 解渴✨依個天氣飲落去夠晒解渴😋！總括嚟講個人覺得附近街坊可以trytry🤣