明乾小館 (裝修中)

經朋友介紹，竟然比我喺尖沙咀食到咁精緻同性價比高嘅點心。佢地裝修同食物都係新派嘅中菜，佢哋中午仲有午餐set,同埋下午茶都有set。我哋兩個人就叫咗兩個下午茶，另外再加其他點心，我特別鍾意佢哋嘅下午茶套餐，就算一個人去食都唔驚，因為可以選擇自己鍾意食嘅點心，又唔會怕叫一籠太多。我最鍾意佢哋嘅雪茄春卷，造型好特別好食又可以打卡，另外佢哋嘅灌湯餃都好好食，入邊仲有原隻嘅鮑魚，而且佢哋嘅點心份量都唔細，性價比超高，絕對值得一試。