Smokey Ice (已搬遷) 新店位置

呢間位於元朗嘅創意甜品店相信係近排吾少人都會聽過，甚至幫襯過，的確，真係有佢特別之處。創意甜品近年都來不開係分子雪糕或者係張啲材料左溝右溝感。而呢間，佢地嘅創意就在於敢於創新，以假亂真。講緊嘅係佢地用甜的味道去扮成咸的食物。冰極炸豬排，看似係一份日式吉列炸豬排，但其實炸面包，入面嘅就係雲呢拿雪糕，而食嘅時候仲可以點下士多啤梨醬，酸酸甜甜，中和下感。不過唯一不足嘅係，只有四件，吾夠我食^^但當中的心思真係要比個like 佢。除左炸豬排外，仲叫了一個賣相幾令嘅窩夫。呢個窩夫嘅賣相不比其他甜品屋遜色，而佢最值得一贊嘅係，佢隻＂碟＂夠哂大，因為通過食窩夫中意係感砌，但又吾夠位用，但呢間就好好了，夠哂大，岩哂好似我呢啲食野論盡嘅人。窩夫雖然有點乾，但係旁邊嘅360牛奶雪糕真係令窩夫加哂分，雪糕奶味濃，一凍一熱感食，真係另一種享受。總括嚟講啦，佢嘅創意又真係令人幾佩服嘅，幾可亂真，吾知嘅真係會佢呃到。除左炸豬扒外，還可以一試佢個鐵板牛排雪糕，賣相同味道都會令你有驚喜。而要注意嘅係，等候時間會較長，而甜品製作需時，想食嘅就要等下喇。