Smokey Ice (已結業)

今晚同朋友去開旺角，就黎左呢間Smokey Ice食野。呢間餐廳專門食雪糕，佢大部份都係用雪糕扮野食，好搞鬼👻好多人都會飯後黎食個甜品，而我同我同朋友，就直接係度食到飽👍🏿😎7成熟牛扒雪糕真係整到好似真嘅牛扒一樣！👍🏿塊牛扒其實係朱古力雪糕整成，右邊有扮薯條🍟嘅香蕉🍌，左邊就有真嘅西多士，食落去好滿足！影相打卡亦一流👍🏿呢碟好似系腸粉，係我全晚至愛！😋像真度極高！腸粉係用糯米卷整，口感好正，配上士多啤梨同菠蘿點綴，再加上一球豆腐味雪糕🍧簡直完美！因為我地當晚餐食嘅關係，所以亦order咗炸物拼盤，有魚餅、麥樂雞、薯條🍟同雞翼！重點係有3種醬，都好正！飲品方面，我叫咗杯熱帶海灘，味道幾清新，而我朋友就叫咗雪梨沙冰，夠特別！最後再整多個甜品--蜜糖脆糖雪糕做結尾！味道比較甜，適合女士們。