影片
更多
2006-11-29
21 瀏覽
留家的甜品選擇實太少，大伙兒決定轉戰甜姨姨，試一試她的創意甜食。我們人多，唯有坐街邊位，誰不知食食吓突然落雨，可憐Tweety細佬要邊吃邊把傘，場面惹笑。我和男友share了腐竹薏米豆腐花，腐竹糖水和豆腐花都是我鍾愛的糖水，撈混食，效果卻末如理想，的，有點漿口，no good！Chris的芝麻豆腐西米露(加芝麻雪糕)，非常有創意，不過Chris就唔多鍾意，食剩一半咁滯，佢話芝麻豆腐西米露口感似溶咗嘅芝麻雪糕，味道偏淡，個芝麻雪糕就OK。Tweety和superbaby要了老闆娘推介的榴槤豆腐花，未上枱已先嗅到超勁榴槤味。榴槤豆腐花果然足料，底層係豆腐花，面層係一層濃郁的榴槤蓉，Tweety稱之為cream of durian，碗內仲有一大舊榴槤肉，嗜榴槤者一定鍾意。不過Tweety話榴槤唔夠甜，美中不足。Tweety細佬對他的芝麻糊湯丸讚口不絕，說芝麻蓉湯丸十分出色，芝麻蓉夠多，湯丸亦煙韌。南瓜和師姐的阿旺芒果凍湯丸賣相唔錯，味道應該OK。George的老公老婆湯丸分別藏有花生餡和朱古力餡，他說不錯啊。最為我和男友驚嘆的是Panda的「熱楊技甘露」，我們好奇地問他味道如何，寡言的他好型
我和男友share了腐竹薏米豆腐花，腐竹糖水和豆腐花都是我鍾愛的糖水，撈混食，效果卻末如理想，的，有點漿口，no good！
Chris的芝麻豆腐西米露(加芝麻雪糕)，非常有創意，不過Chris就唔多鍾意，食剩一半咁滯，佢話芝麻豆腐西米露口感似溶咗嘅芝麻雪糕，味道偏淡，個芝麻雪糕就OK。
Tweety和superbaby要了老闆娘推介的榴槤豆腐花，未上枱已先嗅到超勁榴槤味。榴槤豆腐花果然足料，底層係豆腐花，面層係一層濃郁的榴槤蓉，Tweety稱之為cream of durian，碗內仲有一大舊榴槤肉，嗜榴槤者一定鍾意。不過Tweety話榴槤唔夠甜，美中不足。
Tweety細佬對他的芝麻糊湯丸讚口不絕，說芝麻蓉湯丸十分出色，芝麻蓉夠多，湯丸亦煙韌。南瓜和師姐的阿旺芒果凍湯丸賣相唔錯，味道應該OK。George的老公老婆湯丸分別藏有花生餡和朱古力餡，他說不錯啊。
最為我和男友驚嘆的是Panda的「熱楊技甘露」，我們好奇地問他味道如何，寡言的他好型地回答了一個字：「暖」！聽罷大家都哈哈大笑。
這是我第一次落着雨係街邊食糖水，估唔到可以咁盡興，在此謝過一眾OR食友。
張貼
