肉餅哥小炒料理 (已結業)

朋友帶路去了一間肉餅飯的食店，超多肉餅口味，好似配咩都得，配咩都有，十分有創意，也很新奇。等了一陣就入得，比想像中快。一坐底就有老火湯送，有紅蘿蔔同冬瓜，個湯都幾好飲。叫個小食開胃一下，芥香木耳$22，幾大碟，食食下先影相，木耳好脆口，薄身木耳充滿蒜香味，有芥末的辣，幾惹味。我加$5要可樂，呢度飲品價都算抵，不過飲汽水會好飽，下次都食叫果汁。朋友加$12要西柚汁，最後一支，睇黎果汁都好受歡迎。朋友的足三兩花膠肉餅$98，用砂窩上菜，蒸肉餅幾夾花膠，夠濕潤夠嫩滑感，份量十足好抵食。花膠超大塊，可以大口大口食花膠，感覺好豐貴，而且還有三塊，緊係叫朋友俾塊我食啦。個汁好夠味好濃，令肉餅同花膠更夾，又滑又彈質感豐富，好有創意的肉餅。我就點左 鮮味蟹粉肉餅$98，呢個肉餅選擇煎香，的確香口很多，也很搭蟹粉的濃厚味道。蟹膏味唔算好突出，反而有種香味，令肉餅較惹味。肉餅肥瘦平均，彈牙又爽口，不是很厚身，但都做到肉感很豐富，食完有點膩。個飯轉成菜飯，要讚個菜飯不油而清爽，幾健康。