影片
更多
2019-06-20
61 瀏覽
自己成日去食大餐都算🙈而家仲有 @coins 同 @kawai814 輪流帶我食大餐😂唔努力keep fit真係唔得掂呢日同佢地兩個一齊去左 @eat.darling 😍食到我個肚幾乎飽到爆炸🙈.一齊黎睇下我地嘅大食Menu🙈我地3個人👩🏻👩🏻👩🏻一共食左9樣唔同食物+每人一杯飲品1️⃣酥炸豆卜釀香草芝士（$58)平時我唔會食豆卜，因為覺得陣豆味好腥🙈但今次見佢釀左香草芝士😍就一定要試下，芝士係用左軟滑嘅忌廉芝士，配上香草🌿可以遮蓋曬陣豆腥味😚面頭仲有甜甜地嘅醬配搭，幾開胃.2️⃣牛油果蕃茄脆脆（$58）啲脆脆其實係Nachos墨西哥脆片，自己本身都幾鍾意食，因為佢係用粟米做，感覺比薯片健康啲😆見到張相就知幾吸引，啲芝士醬多到😍仲有牛油果好新鮮，Heavy嘅芝士加牛油果本來會令到呢道預食好漏，但因為加左蕃茄salsa，啲酸味中和番，食唔停口😋.3️⃣橋底辣雞翼（$68）😍我係雞翼控好多人都知，有雞翼食嘅地方我都會叫黎試下😋呢個橋底辣雞翼食落有啲似避風塘炒（蟹）味，勁多炸蒜好惹味‼️而且炸得好夠脆得黎，肉汁鎖住到喺入面💓好Juicy.4️⃣紫蘇葉西瓜沙律拌哈羅米芝士（$78）好少食用西瓜🍉整嘅沙律，因為其
而家仲有 @coins 同 @kawai814 輪流帶我食大餐😂
唔努力keep fit真係唔得掂
呢日同佢地兩個一齊去左 @eat.darling 😍
食到我個肚幾乎飽到爆炸🙈
.
一齊黎睇下我地嘅大食Menu🙈
我地3個人👩🏻👩🏻👩🏻一共食左9樣唔同食物+每人一杯飲品
1️⃣酥炸豆卜釀香草芝士（$58)
平時我唔會食豆卜，因為覺得陣豆味好腥🙈但今次見佢釀左香草芝士😍就一定要試下，芝士係用左軟滑嘅忌廉芝士，配上香草🌿可以遮蓋曬陣豆腥味😚面頭仲有甜甜地嘅醬配搭，幾開胃
.
2️⃣牛油果蕃茄脆脆（$58）
啲脆脆其實係Nachos墨西哥脆片，自己本身都幾鍾意食，因為佢係用粟米做，感覺比薯片健康啲😆見到張相就知幾吸引，啲芝士醬多到😍仲有牛油果好新鮮，Heavy嘅芝士加牛油果本來會令到呢道預食好漏，但因為加左蕃茄salsa，啲酸味中和番，食唔停口😋
.
3️⃣橋底辣雞翼（$68）
😍我係雞翼控好多人都知，有雞翼食嘅地方我都會叫黎試下😋呢個橋底辣雞翼食落有啲似避風塘炒（蟹）味，勁多炸蒜好惹味‼️而且炸得好夠脆得黎，肉汁鎖住到喺入面💓好Juicy
.
4️⃣紫蘇葉西瓜沙律拌哈羅米芝士（$78）
好少食用西瓜🍉整嘅沙律，因為其實西瓜係易出水，一定要即叫即整先可以保持個沙律靚靚，冇得整定先，如果唔係啲西瓜汁會浸到啲菜「霉」曬，一睇呢個沙律就知呢度幾有heart❤️上枱時啲沙律菜仲係好嫩綠，冇被西瓜汁整濕，最鍾意佢用左好少見、地中海風味嘅哈羅米（Halloumi)芝士，係由綿羊同埋山羊奶整嘅，但食落微鹹唔會太重羊羶味，個質感係外面少少脆但入面就軟嘅，成個沙律加埋意大利黑醋作點綴，幾清新
.
5️⃣親愛做紅菜頭芝士雲吞（$98）
個人唔鍾意食紅菜頭，因為一直覺得根部嘅蔬菜係有陣泥味，呢個菜式我都係撥走左啲紅菜頭醬黎食🙈但都試到少量嘅，佢食落冇平時咁濃烈嘅泥味，可能落左少少cream落去打，食落滑身，仲食到啲合桃味😳估計係mix左落個ravioli餡料度
.
6️⃣意式肉醬親愛做寬條麵（$98）
呢個寬條麵調味適中，唔會一味得個酸字，而且佢煮得算乾身唔會水汪汪，喺唔太油嘅情況下啲寬條麵麵唔會痴埋一pat👍🏻值得一讚，唯一不足係個口感唔係Al dente🙈對我黎講口感「林」左啲
.
7️⃣蕃薯糖水（$68）
真係冇諗過咁傳統嘅糖水可以咁樣呈現😍好靚啊，有粒粒蕃薯🍠、蕃薯蛋糕同埋香芋雪冰，估唔到香芋同蕃薯都幾夾，食落唔會太甜，而且一道甜品集齊左唔同嘅蕃薯製品，大滿足
.
8️⃣葡萄酒粕布甸（$68）
呢道甜品我就唔敢食太多喇，因為酒精敏感，試左一啖仔，面頭有塊焦糖，上面果啲粒粒係爆炸糖，杯中有清酒酒糟布甸、糖漬葡萄🍇同埋雲呢嗱雪冰，我食嘅量唔算多，覺得個清酒味唔會太搶，食落唔苦，加上有唔同口感嘅食材，層次豐富
.
9️⃣雪葩菠蘿包（$68）
呢個係一個特製「菠蘿包」，佢嘅外層其實係一個大泡芙，配菠蘿🍍雪葩同吉士，伴碟有菠蘿粒粒同埋焦糖脆脆，個人最鍾意呢度甜品，因為佢係酸酸甜甜的，喺食完咁多野食之後食佢係最refreshing🌿
.
🔟番石榴檸檬特飲（$48）
可能你會懷疑究竟我個胃係咪黑洞😂食到咁多野，皆因一進場食野之先，我地叫左杯野飲‼️就係封面呢杯番石榴檸檬特飲，每當食到好飽有啲漏嘅時候，啜一啖即刻醒胃又解膩，偏重酸味💓食多多野都冇有怕
.
整體黎講，呢間餐廳嘅裝潢都幾特別，背景好多星球，而且用色都大膽，係好playful嘅鮮粉紅、黃色為主，個人覺得可以著得可愛啲去打卡影相📸食物方面幾驚喜，食材配搭幾有創意同新穎👍🏻
.
💓親愛吃 (銅鑼灣)
📍銅鑼灣百德新街27-47號及記利佐治街11-19號 Fashion Walk地下17號舖
.
.
#foodie #influencer #hkinfluencer #microinfluencer #hkblogger #写真 #ありがとう #コーデ #ランチ #hkfoodie #親愛吃 #portrait #portraitphotography #hkportrait #discoverhk #discoverhongkong #インスタ映え
張貼
