韓半島 (已結業)

週末既時候同三五知已去位置於尖沙嘴既韓半島，大家都講左好耐想食韓國野而韓半島呢家餐廳就主力食新派韓國菜。店內環境簡潔寬趟，無論係多人聚會或者兩人世界都適合。另一特色之處就係餐廳既菜名非常有創意，大部份菜名都會以韓國地點命名。智異生日出時分 – 呢道菜姐係生拌牛肉配自製甜黑醋及時疏，本人平時係極少食生牛肉他他或類似既菜式，主要都係怕生冷野，但係朋友既極力推薦下終於都試左。生拌牛肉非常新鮮，帶點牛肉既鮮甜味，上面再打隻雞蛋令到牛肉入口更軟滑。伴碟既有新鮮沙律菜淋上自製甜黑醋，食完啖啖肉後再食口沙律菜更可以中和返口感，呢道菜絕對係非常開胃消暑岩晒炎炎夏日。老姑壇繁花盛開 - 呢道菜係墨魚汁炒粉絲配蔬菜、香菇及海鮮。一個幾Fusion既配搭，墨魚汁出奇地夾韓式炒粉絲，食落味道既濃郁而且軟硬適中。配菜係比客人自己拌落去墨魚汁炒粉絲到，分別有羅白絲、蔬菜、香菇、蝦同埋生魷魚。入面我最喜歡個生魷魚，煙煙齦齦好有口感。醬缸臺下雪天 - 呢道菜係特製卡邦尼醬炒雪人年糕配自製聖女果，點解會叫雪人年糕係因為佢地既年糕唔係傳統形式既條狀而係每舊年糕都好似兩粒波波連埋一齊。雪人年糕食落都好煙齦，鐘意軟Q既朋友一