影片
更多
2017-05-11
108 瀏覽
今日收工要拎啲嘢去黃埔畀個friend，佢提議食呢一間餃餃餃子，話佢之前食咗幾次，覺得都唔錯，本身我唔係幾好餃子，不過既然人哋開到聲，咁梗係要俾面試吓啦！食落真係唔錯，宜家先知餃子可以有好多款式😍之前諗都未諗過餃子原來可以咁樣整！我一入去坐底就叫咗一杯威士忌梳打，咁熱的天氣飲杯冰涷嘅威士忌梳打（$48），真係好爽，佢酒味唔係好重，好易入口。食餃子有4種醬汁比你自己揀，有餃子醬汁、辣油、辛子味噌和味噌醬汁。由於我不是特別喜歡吃辣，所以只係點餃子醬汁和味噌醬汁，2種都幾好。我地叫咗幾樣嘢share 食，呢到除咗餃子都有烏冬和咖喱飯食，我地叫咗日式牛筋沾烏冬（$58），話係只有黃埔店先有，烏冬好彈牙，個汁幾濃味，和烏冬好夾。叫咗一份雞肉芝士餃子（$42），有得揀煎或者炸，我未食過炸餃子，緊係要試下啦，芝士味好濃，啱晒我呢個芝士狂😏另外叫咗一條蟹肉特長餃子棒（$42），話有成18CM長，好特別，上檯的時後都有d嚇親😱真係好長👍🏻好足料，成條都係蝦肉和蟹肉，食完好滿足☺️最後食埋個甜品，係朱古力餃子配雪榚（$38)，一涷一熱，但係配埋一齊超正。
我一入去坐底就叫咗一杯威士忌梳打，咁熱的天氣飲杯冰涷嘅威士忌梳打（$48），真係好爽，佢酒味唔係好重，好易入口。
食餃子有4種醬汁比你自己揀，有餃子醬汁、辣油、辛子味噌和味噌醬汁。
由於我不是特別喜歡吃辣，所以只係點餃子醬汁和味噌醬汁，2種都幾好。
我地叫咗幾樣嘢share 食，呢到除咗餃子都有烏冬和咖喱飯食，我地叫咗日式牛筋沾烏冬（$58），話係只有黃埔店先有，烏冬好彈牙，個汁幾濃味，和烏冬好夾。
叫咗一份雞肉芝士餃子（$42），有得揀煎或者炸，我未食過炸餃子，緊係要試下啦，芝士味好濃，啱晒我呢個芝士狂😏
另外叫咗一條蟹肉特長餃子棒（$42），話有成18CM長，好特別，上檯的時後都有d嚇親😱真係好長👍🏻
好足料，成條都係蝦肉和蟹肉，食完好滿足☺️
最後食埋個甜品，係朱古力餃子配雪榚（$38)，一涷一熱，但係配埋一齊超正。
張貼
