影片
更多
2022-03-01
7 瀏覽
新年收埋唔少禮物禮盒，其中一樣最吸引眼球既就係呢盒曲奇餅。點解曲奇都咁吸引眼球？除左個盒既設計又搶眼又colorful之外，送呢盒餅既人問我有冇食過陳皮子薑味，七味粉味同埋蔥油雞味既曲奇餅。唔好多講，試下最實際。一於就試試個陳皮子薑味先。一打開包裝，嘩，真係好似走左入涼果店咁，成陣醃陳皮醃薑味即刻衝出黎。曲奇鬆脆，除左有香味，仲有兩大粒陳皮醃薑。而果兩粒醃薑，除左用陳皮香味，仲用幾強勁既辣味黎話你知佢係真材實料。跟住就係蔥油雞味，見到呢個味，好似層出不窮既薯片味咁，真係好難唔拎黎試下。曲奇好似杏仁碎曲奇咁，不過杏仁變左深綠色，唔知係唔係蔥碎黎。一聞就聞到有陣蔥香同南乳味。蔥味係expected既，都做得唔錯，但南乳味就有d surprise。而且加埋呢陣南乳味，就好似加左蔥既雞仔餅味曲奇咁，都相當有趣，而且好有香港特色。至於七味粉味，打開曲奇包裝就好似打開左七味粉樽個蓋咁。曲奇細細塊，但啖啖都係七味粉香。七味粉味真係做得好到位，但個辣味真係唔講得少，同子薑味一齊打破我食過最辣既曲奇既記錄。之後我仲試左禮盒以外既果包咸蛋蝦膏味。個味有d似之前曾經風靡一時既黃金魚皮，即係咸蛋黃魚皮咁。除左
一於就試試個陳皮子薑味先。一打開包裝，嘩，真係好似走左入涼果店咁，成陣醃陳皮醃薑味即刻衝出黎。曲奇鬆脆，除左有香味，仲有兩大粒陳皮醃薑。而果兩粒醃薑，除左用陳皮香味，仲用幾強勁既辣味黎話你知佢係真材實料。
跟住就係蔥油雞味，見到呢個味，好似層出不窮既薯片味咁，真係好難唔拎黎試下。曲奇好似杏仁碎曲奇咁，不過杏仁變左深綠色，唔知係唔係蔥碎黎。一聞就聞到有陣蔥香同南乳味。蔥味係expected既，都做得唔錯，但南乳味就有d surprise。而且加埋呢陣南乳味，就好似加左蔥既雞仔餅味曲奇咁，都相當有趣，而且好有香港特色。
至於七味粉味，打開曲奇包裝就好似打開左七味粉樽個蓋咁。曲奇細細塊，但啖啖都係七味粉香。七味粉味真係做得好到位，但個辣味真係唔講得少，同子薑味一齊打破我食過最辣既曲奇既記錄。
之後我仲試左禮盒以外既果包咸蛋蝦膏味。個味有d似之前曾經風靡一時既黃金魚皮，即係咸蛋黃魚皮咁。除左有咸蛋既咸香咁，仲有蝦膏香濃味，而且帶少少辣。雖然食左前面果幾隻味，我已經冇好似一開始食咁surprise，但呢個都真係幾創新既味道。
後尾我聽到朋友試左紅棗同杏脯迷迭香味。紅棗味濃又香甜，杏脯味既當然有幾粒杏脯肉，而且迷迭香同杏脯又幾夾。
呢間咁有創意既曲奇店，佢整既味道除左多，都真係令我大開眼界。而且佢整既味唔係得陣香味，係真係有果個材料喺度。佢整既味除左有新意，仲有香港獨有既味道，無論送禮定做手信都唔錯。
張貼
