捌壹公館 (已結業)

呢日同朋友去尖沙咀行街，都食過尖沙咀好多野食，今次去佐敦發掘野食，得知有一間新開嘅捌壹公館，一聽個餐廳名都覺得好有創意🤣因為系吳松街81號。菜式充滿特色，可以話系中西fusion菜。首先試咗黑松露薯條配黑松露蛋黃醬，薯條十分脆卜卜😋條條都充滿黑松露，黑松露蛋黃醬味道濃郁。小食仲試咗孜然單骨雞翼，講起孜然雞翼想必會諗起一間連鎖米線店嘅風味雞翼🙊呢度整個孜然都香口，雞翼系單骨方便客人咀嚼，有心思👍🏼第一個主菜叫咗慢煮牛肋條配上海年糕，慢煮牛肋條比想像中口感實在，牛肉味香濃，crossover埋上海年糕好正😹年糕都做到上海菜嘅年糕咁煙韌。麻香海鮮扁意粉，員工話好多客人叫呢款，能夠做到麻而不辣嘅意粉真系有番咁上下技術😳麻香味好正！海鮮都幾新鮮呀。啡就飲得多，混合中式元素夠吾夠特別？桂花鮮奶咖啡令人飲到咖啡甘味同時又感受到桂花嘅清香，啡迷不可錯過。「明知茉莉花最愛是椰子」～ 噏乜呀？唱緊某首歌？原來系餐廳自創飲品😆系茉莉花茶配以椰子奶蓋，奶蓋鹹味配椰絲好好椰🥥茉莉花茶清新解膩。順帶一提，員工服務態度真系非常值得加許👍🏼👍🏼👍🏼👍🏼👍🏼為客人詳細介紹每一道特色菜式，好讓客人用餐時對食物有更深了解。