MR. MAKI (保和大廈) (已結業)

灣仔保和大廈地下有好多間唔同嘅小食店，我揀咗後面街嘅mr. Maki 試吓～ 呢間舖頭新裝修，有大約10個bar檯位可以坐低食嘢。裝修都算乾淨， 12月仲有聖誕裝飾添！Menu 上面的食物款式好有趣，我非常三心兩意，揀咗好耐，收銀員好友善，耐心等候我～ haha 最後我同朋友嗌咗一份「魚全部都係魚」，同埋「帶子被困火焰山」，仲分別加配咗蕃薯條同炸雞套餐。壽司非常足料，面頭有似好多配料，一啖食唔晒！最驚喜係炸雞，估唔到$18有嘢飲，仲有起碼五件炸雞，仲要係熱辣辣好味嘅😋😋