mr.kanso (已結業)

前排聽朋友介紹，呢間Mr.kanso係用罐頭食品做主題，心諗罐頭食品都可以做主題！？原來係利用罐頭食品加入唔同既元素，重新烹調，再配合酒，營造出罐頭酒吧既主題，聽到咁特別，我都即刻去左試下！😚😋今次帶左男朋友去食，一共食左2個主食1個小食同1款酒。首先，主食方面叫左黑豚軟骨醬油炒飯伴太陽燶邊蛋同洋風橄欖油雞蒜片意粉，炒飯吸哂黑豚軟骨既油脂，成個飯都好香豚肉味，意粉就好重蒜香，食落唔會太油膩，雞肉好嫩滑👍😆我地仲叫左個蟹子伴玉子燒，玉子燒煮得外脆內軟，外層燒焦，上面加上蟹子，口感更上一層次😚最後當然唔少得酒，我地叫左山崎Whiskey(double shot )，酒味濃郁，好香醇，配埋食物好夾，兩個人飲啱啱好😋⭐️總括黎講，呢間餐廳都幾特別，好少聽到用罐頭做主題既餐廳，食物有質素之餘，仲要有得飲返杯，想有氣氛地食返餐好既，好啱黎呢度！☺️