MR. MAKI (金巴利大廈)

營業中

休息中

今日返咗母校，發現附近開咗好多新餐廳，不過冇時間坐低慢慢嘆，所以就揀咗呢間MR. MAKI買外賣。雖然佢主力做外賣生意，不過亦可以選擇堂食。佢哋有提供Poke Bowl，同時亦提供卷物壽司同小食。飲品方面，除咗常見嘅可樂，仲有日本版汽水。我哋就揀咗兩款食物返屋企慢慢嘆。最近愛上食Poke Bowl，感覺清新又健康，就揀咗佢其中一款三文魚兩味。三文魚兩味其實係指分別用咗醬油醃製同混有沙律醬嘅三文魚，兩款味道各有特色，我兩款都鍾意。除咗主角三文魚，另外仲會有牛油果、粟米、枝豆同椰菜，味道清新而營養又均衡。另外仲點咗佢哋非常創新嘅卷物，叫帶子被困火焰山，個名都已經夠gimmick。其實佢係喺卷物之上加上一層蟹柳絲、帶子、忌廉芝士、蟹籽等嘅材料，然後再烤焗一下表面，令普通嘅卷物變得不平凡。而卷物本身就有蟹柳、牛油果同蘆筍。仲會食到粒粒嘅珍珠帶子，果然真材實料。