Oddies (已結業)

之前其實黎過架啦，但係今日行過又唔洗排隊就買個雞蛋仔啦。泡菜年糕雞蛋仔外面果行雞蛋仔其實無咩泡菜味，中間少少既就食到泡菜味同拉開見到一絲絲菜同年糕。朋友話見到帶條菜係雞蛋仔中間覺得好奇怪，不過其實都幾好味，泡菜加雞蛋仔意外地夾，甜甜地，又有泡菜味，而且佢好香脆，熱辣辣食，一流。不過凍左就唔脆架啦，要記住呀！總括而言，價錢ok，食物味道同質素都keep到，如果行過唔洗排隊一定會再食。