我愛伊斯坦堡 (已搬遷) 新店位置

土耳其朋友唻香港探我，由於佢係回教徒，只可以食清真食物，做咗一輪research，決定同佢唻試試。睇咗之前d comment, 好似好壞參半⋯book 位時都特別留意，不過其實好順利，店主 whatsapp menu 叫我地 pre-order，仲會介紹菜式比我地，感覺ok呀。推介嘅梅爾辛燒雞，同豐富香料燒製，最好玩係原隻上！剪開後裡面塞滿「有味飯」，變身成燒雞飯！好味！最令朋友驚喜係炸自家製羊肉餃子。一口吃的size很討好，配上乳酪（及蕃茄？！）汁，中和油炸感，開胃唔會滯 熱辣辣食到停唔到口！朋友話佢都未食過咁做法嘅土耳其餃子，細問店主，原來係佢自創的呢！讚！朋友話比佢太太做的傳統餃子仲好味 地方頗細，但平日去唔太多人，傾計都好relax。店主個樣有d惡，但其實好友善，土耳其人一般都係咁。