為食龍 (已結業)

約朋友食飯想食日本菜，又唔想食普通壽司咁無趣，就去咗中環睇下有咩特別嘢可試！今次嚟到為食龍，每款菜式都覺有特色，而且座位間好闊落，平日行完大館想食餐好嘅就要bookmark定啦～招牌腐皮壽司彈牙爽口嘅腐皮包住帶微醋香嘅壽司飯，可以配搭唔同嘅配料，今次試咗黑松露帶子、蟹膏甜蝦、明太子芝士蛋黃三文魚同牛油蒜香赤蝦，每款刺身都好鮮甜，調味同食材好夾仲好足料添西雅圖鬼妹依款卷物入面有火炙三文魚腩、牛油果、芝士同青瓜等，口感好豐富，加埋面頭嘅香蔥同醬汁好惹味雞軟骨餃子雞軟骨加埋肉餡好軟腍，煎香咗嘅薄皮餃子好香口，加埋沙律醬啱晒～避風塘單骨雞翼雞翼好香辣又炸得好香脆，加埋炒香咗香料好有風味邪惡焦糖脆餅芝士蛋糕芝士蛋糕幼滑唔會痴牙，大愛佢嘅焦糖脆餅餅底同焦糖面，好好食！BEABEA BI-RU依款為食龍限定啤酒，Pale Ale入口有淡淡果味，味道唔苦，尾段散發麥香。