Le Rêveur at Flower Market

營業中

休息中

太子花園街買花就去得多，估唔到仲隱藏咗呢間新派嘅fusion法國菜，廚師嘅創新同破格絕對令你大開眼界！蛋黃醬蟹肉、青瓜金黃色嘅脆皮球好似薯片咁香脆，入面則釀滿蟹肉蛋黃醬，蟹肉可以見到一絲絲，真材實料。劍魚腩Tataki、牛油果蓉、鹽漬西瓜、葵花籽第一次食鹽漬西瓜，望落去好似吞拿魚刺身，食落爽脆清甜，非常有趣。劍魚腩用咗炙燒嘅做法，輕輕燒一燒表面，入面依然保持半生，非常鮮嫩。老乾媽牛肉及防風草蓉撻一個意想不到嘅配搭，老乾媽辣椒醬食得多，放喺個撻度真係第一次食，估唔到又幾夾。老乾媽獨特嘅香同辣，令牛肉撻更加惹味同開胃。BB菠菜及風乾蕃茄意式蛋餅意式蛋餅比我哋平時食開嘅更厚身，蛋味非常之香，而用咗BB菠菜亦更鮮嫩無渣。烤八爪魚、富有柿、烤茄子蓉、青瓜八爪魚非常煙韌，口感十足。富有柿亦係比較少用於煮食，夠曬創新。茄子整成蓉，而青瓜則用咗直切嘅方式可以話係驚喜不斷。雞腿卷、墨魚慕絲、紅燈籠椒汁雞腿卷非常之嫩滑！唔知係唔係用咗慢煮嘅方式。醬汁則以墨魚同紅燈籠椒所製，甜甜地同雞肉好襯。今次揀左花茶~希望可以好訓啲，解郁舒壓 ！種類都有不少，大家可按自己喜好去選擇。