泰 (銅鑼灣廣場二期) (已結業)

上星期突然想食泰菜，經朋友推介下去左位於銅鑼灣既泰餐廳食dinner，順便睇下味道質素如何？椰盅海鮮焗飯：本人極推首選！必食必叫必讚！起初會覺得椰忠吾會大份量，點知二人share足夠有餘添！外觀已經夠晒吸睛，海鮮料亦超級足，包捨大蝦、青口、墨魚、魷魚等等⋯再加入椰醬，混合埋盅內既炒飯食，香中口帶椰子甜味，實在好match啊！食完所有飯之後，更可以將椰盅內既椰肉取出，順便食埋椰肉添，一個飯可以做主食同甜品，抵到爛！椰汁雞湯：因為自己食吾到太辣，特意叫左另一款熱鍋。椰汁味濃厚令人愈飲愈上癮，甜甜地再配合嫩口雞肉件，整體味道非常夾，值得encore！醃酸辣鳳爪：份量相當大份，鳳爪已經去骨所以好方便進食。而辣度足夠，酸味亦幾突出，食落口感爽口，作為前菜一流。海南雞 (半隻)：食泰菜必定吾少得order海南雞。依度既雞無論外皮定肉質一樣甘滑口，雞肉嫩滑又啖啖肉，仲有三款醬比你點添！另外食客可額外order加碗油飯添。脆炸蝦餅(4件)：即叫即炸既蝦餅上枱時仲keep住熱辣辣，外層好香脆，咬開入面，蝦仲帶少少半熟狀態令口感變得更爽口彈牙，而當中更有吾少細原整蝦添！再配埋泰式辣醬，味道會更惹味。