影片
更多
2018-12-26
982 瀏覽
駿景軒仍在跑馬地之時，我久唔久都會幫襯下，皆因佢不管是粵菜，抑或是川菜，同樣蠻有水準。 酒店遷到現址，我還懵然不知，以為佢係英皇集團中心嗰度。幸好友人提點，否則，大家可以慢慢食住等，哈哈哈～ 位置係隔涉了一點，但其實又唔係難搵，就在圃公館行入少少，即前身新華社嗰頭。 當拿起相機準備拍照時，Oooops!!! 我既短命種相機壽終正寢了...真惱火！呢篇係用手機影，質素麻麻～ 天氣涼涼地，係時候吃本年度第一個羊腩煲。打開煲蓋，羊羶香未算很強，不過羊腩質地幾好，入口鬆化，吃至皮既位置就感受到點點羶香，我更喜歡。因為湯底十分濃郁，所以浸在裡頭的枝竹、冬菇及筍等的配角，非常精彩，有力與主角爭一日之長短。 早已聽過朋友大讚呢度既陳皮咕嚕肉，因此必須點上一客。咬落外層微脆，口感彈牙的咕嚕肉，實在討好。酸甜汁醬平衡得宜，散發出幽幽陳皮香，果然名不虛傳。 臨近冬至，竟仍有蟹粉菜色供應。席中有人是蟹粉迷，我亦不介意跟他來一味生拆蟹粉大蝦球。賣相頗精緻，蝦球巨大又彈牙，配埋蟹粉同吃，不要忘記面頭的醋珠，挺好吃的一道菜色。 最後來多個煲仔飯。朋友話事，選了麵醬黑木耳斑球煲仔飯。不諱言，筆者是首次嚐到呢個組合
駿景軒仍在跑馬地之時，我久唔久都會幫襯下，皆因佢不管是粵菜，抑或是川菜，同樣蠻有水準。酒店遷到現址，我還懵然不知，以為佢係英皇集團中心嗰度。幸好友人提點，否則，大家可以慢慢食住等，哈哈哈～
位置係隔涉了一點，但其實又唔係難搵，就在圃公館行入少少，即前身新華社嗰頭。
當拿起相機準備拍照時，Oooops!!! 我既短命種相機壽終正寢了...真惱火！呢篇係用手機影，質素麻麻～
天氣涼涼地，係時候吃本年度第一個羊腩煲。打開煲蓋，羊羶香未算很強，不過羊腩質地幾好，入口鬆化，吃至皮既位置就感受到點點羶香，我更喜歡。因為湯底十分濃郁，所以浸在裡頭的枝竹、冬菇及筍等的配角，非常精彩，有力與主角爭一日之長短。
早已聽過朋友大讚呢度既陳皮咕嚕肉，因此必須點上一客。咬落外層微脆，口感彈牙的咕嚕肉，實在討好。酸甜汁醬平衡得宜，散發出幽幽陳皮香，果然名不虛傳。
臨近冬至，竟仍有蟹粉菜色供應。席中有人是蟹粉迷，我亦不介意跟他來一味生拆蟹粉大蝦球。賣相頗精緻，蝦球巨大又彈牙，配埋蟹粉同吃，不要忘記面頭的醋珠，挺好吃的一道菜色。
最後來多個煲仔飯。朋友話事，選了麵醬黑木耳斑球煲仔飯。不諱言，筆者是首次嚐到呢個組合的出品。感覺矜貴，味道亦可，卻就是欠缺了吃煲仔飯那粗豪的風味，大概這裡是高貴的酒店吧～記住記住，要食埋飯焦，是煲仔飯的精華所在。
因為這所酒店的背景，很多時都會碰到明星，對某些朋友來說，這可能是一大賣點。
張貼
