船皇 (厚福街) (已結業)

尖沙咀厚福街一向多野食，今次可以試下泰式野。一入去舖頭都見枱與枱之間圍晒板，而menu就貼係哂喺牆同板上面，唔洗用手拎，方便衛生。懶得諗，就直接叫左招牌船皇湯麵，見仲有升級和牛優惠，就加一蚊試下（配金邊粉，唔辣，+$1 轉和牛，$59），十分鐘內上枱，材料好豐富，有和牛、牛丸、雞絲、豬肉、豬肉丸同雞翼等等。湯底都幾深色，忍唔住飲左下湯，少少鹹，味道濃郁。和牛半生熟咁樣，幾有牛味，肉質好嫩，其他配料都幾好食，邪惡炸豬皮亦非常香脆。下次都可以試下串燒，感覺都非常吸引。