醉翁亭火鍋館 (已結業)

第一次寫食評。 今日落住大雨，一行9 人黎打邊爐。呢間玩任食火鍋，兩百幾唔算貴。 一坐低，有最得人尊敬嘅經理萬歲，二話不說揀左龍蝦湯底啲海鮮拼盤同肥牛好快送上黎(唔係任食)，睇到啲野都唔錯，唔係流野，本黎都好滿意，食起上黎亦的確值得個價。點知，食到後期想加單，加啲菜同公仔麵(總有人打邊爐要食公仔麵，懂的)，第一次落單，無黎，催單，無黎; 再加單，再唔黎，再催單，前後坐左半粒鐘，完全無影，一催單就話落左，最後當然係無黎，等到嬲嬲地決定埋單，張單即刻送到黎。。。。。。啲野食質素唔錯原本想比正評，但係服務真係唔得，加極單都唔理你，咁實際上即係透過唔加單比你令你唔係任食，個正評只能變負評。