海濱甜品屋

營業中

休息中

昨晚男友駕車在附近兜風，無意中見到瑟縮一角的海濱甜品屋，好似幾多人幫襯，於是便泊車前往一試。環境比想像中企裡，全店禁煙，招乎亦唔錯，feel到係有放心機經營的家庭式小店。除了糖水，這裡也供應簡單麵食和特色小食。我倆已食飽飽，所以只點了糖水。這裡的糖水超大碗，是坊間的兩倍，價錢由$10蚊至$18蚊不等。我的綠豆沙只賣$11蚊，偏甜，水還水，渣還渣，其實唔算掂，只可說是大碗抵食。男友的腐竹白果清心丸($12)仲甜，係甜到漏嗰隻，糖水和腐竹分開煲，毫無誠意。清心丸和白果分量多，不過啲清心丸成陣麵粉味，破壞了糖水味道。此店以糖水作招來，但糖水質素卻強差人意。