影片
更多
2012-09-30
16 瀏覽
對上一次食CPK仲喺晌尖沙咀海運嘅分店，依家嗰間分店都執咗，可想而知都喺幾耐嘅事。一向對CPK嘅印象都幾好，奈何幾間分店，無論新店（Mikiki、PopCorn）、舊店（MegaBox、家樂坊）都唔喺小弟蒲開嘅地方，所以近幾年都無幫襯過。機會卒之喺今晚嚟臨，因為要去旺角登打士街好景拎團購貨，所以，就約埋老婆嚟家樂坊嘅CPK食番餐。題外話丫，依家啲團購變咗好似促銷咁，依次晌好景攞嘢，晌樓下窄窄嘅電梯大堂已經要排定隊，一條非團購客，另一條就專俾團購客排，仲排到近商場正門口，上到間鋪十足十信用卡換領中心，排隊嘅人換乜都有！好彩預早嚟CPK排隊，幾鬼死多人呀，攞咗飛仔就晌附近打個轉，老婆咁啱又有啲臨時嘢要少少OT，攞咗位無幾耐佢都嚟到。因為限時個半鐘，所以如果佢太遲嚟都有啲麻煩架。閒話唔好講，無晌公司食下午茶，所以依刻都幾肚餓，快快手點嘢食先！枱上有個新推介：摩洛哥風味雞肉沙律，好似幾正，所以先點依個試試。近期老婆迷上牛油果，事緣佢有個同事去完旅行探親，拎咗個「自家種」新鮮摘嘅牛油果俾佢，搞到佢好似發現新大陸咁。其實，個沙律已經有牛油果，跟手再點嘅又有牛油果：牛油果蛋卷；嚟CPK無乜理由唔叫薄
好彩預早嚟CPK排隊，幾鬼死多人呀，攞咗飛仔就晌附近打個轉，老婆咁啱又有啲臨時嘢要少少OT，攞咗位無幾耐佢都嚟到。因為限時個半鐘，所以如果佢太遲嚟都有啲麻煩架。
閒話唔好講，無晌公司食下午茶，所以依刻都幾肚餓，快快手點嘢食先！枱上有個新推介：摩洛哥風味雞肉沙律，好似幾正，所以先點依個試試。近期老婆迷上牛油果，事緣佢有個同事去完旅行探親，拎咗個「自家種」新鮮摘嘅牛油果俾佢，搞到佢好似發現新大陸咁。其實，個沙律已經有牛油果，跟手再點嘅又有牛油果：牛油果蛋卷；嚟CPK無乜理由唔叫薄餅，所以就加多一客香辣海鮮薄餅，查實咁嘅分量三個人都夠食，結果就半碟薄餅打包拎走當聽日早餐，哈哈！
摩洛哥風味雞肉沙律（Moroccan Chicken Salad）任份$132、半份$82圖中為半份，兩個人已經好夠食，基本上3-4人分享都無問題。成份晌枱上推介單張都已經寫晒，等小弟就照抄一次俾大家知吓：香辣雞胸片、新鮮爽脆羅馬生菜、烤焗南瓜、棗、新鮮牛油果、可口杏仁、紅菜頭、雞蛋、甘筍、紅梅乾、甜椒、秘製蜂蜜芥末油醋汁。以材料而言，著實非常之豐富，味道又如何？食落俾人第一個感覺喺幾清新，隻蜂蜜芥末油醋汁味道甜甜酸酸，幾醒胃，其實依款汁我哋兩個都有啲偏愛，就正如去Subway最常揀佢隻蜜糖芥辣醬；因為材料甚多，有軟有硬，有爽有腍，有甜有酸，口感好複雜但又唔會覺得好紛亂，加上部分食材平時都少晌沙律中食到，如棗、牛油果、紅梅乾，感覺幾新鮮特別，所以我哋都幾欣賞依個沙律。
牛油果蛋卷（Avocado Club Egg Rolls）$62屬於前菜類，聽個名好似好古怪，似一道甜品多過喺一道前菜，其實簡單啲講，就喺一味鬼佬炸春卷。以大塊嘅雲吞皮包住新鮮牛油果、雞肉、蕃茄、蒙特利芝士、果木燻煙肉，做成大條春卷形再脆炸，斜切一開二，再伴上秘製田園醬汁同香草沙律醬嚟上碟。依個算得上喺中西合壁嘅菜式，不過新意唔算好多，內餡無咩太大驚喜，最失望喺個春卷皮唔夠脆，反而最突出喺啲醬汁，尤其個香草沙律醬，甚有個性。
香辣海鮮薄餅（Spicy Seafood）$132薄餅都有分厚薄，不過就唔喺話任何一款薄餅可以揀厚批定薄批，而喺厚批有一系列款式，薄批又有另一系列款式，就正如小弟揀依個香辣海鮮，就屬於薄底薄餅，批底以薄脆為賣點。而薄底薄餅一共有8款選擇，啲食材同醬汁嘅配搭都幾特別。老實講，批底薄就夠薄，不過脆就仲喺差少少，但喺材料落得十足，蜆仔肉、蝦、魷魚圈鋪滿批面，加埋秘製惹味蕃茄醬、紅辣椒乾碎、水牛芝士mozzarella，好正，因為足料，海鮮餡頗鮮味，蕃茄醬、芝士味道互相比拼角力，幾惹味，但要順帶一提，啲紅辣椒乾碎引出嚟嘅辣味都幾辣吓！
既然薄餅都要打包拎走，甜品更加免問，猶記得當年一道「朱古力香蕉蛋糕」非常美味，依家唔見依道甜品，不過幾款甜品中，青檸忌廉批幾得我心，下次有機會一定要試試！張貼
