影片
更多
2009-07-01
57 瀏覽
八時多晚上到三聖揀海鮮上去海天度加工食飯。原來八點幾已經收左好多海鮮檔，好在仲有兩三間未關門，還趕得及買心儀海鮮吃。只是要食好野原來要早，這裡不似旺角呢！九點後已好似週圍都關門的了。話說回來，我們買了扇貝兩隻，唔記得左一條叫乜野班(老公揀的)，一斤澳洲龍蝦。0係海天再點了叉燒燒豬拼，原隻蛋黃壽飽。首先侍應唔記得後上壽飽，我地變左第一道菜就係壽包！都OK啦！反正肚餓，照食！呢個係炸壽飽，好好味呀！外面好脆，入面好鬆軟，蛋黃好香好完整。老公唔鍾意食甜品都食晒成個大壽飽(想再食佢少少都冇機會添)第二度餸係扇貝，好香，粉絲份量適中，扇貝蒸得剛好，唔老唔生！蒜蓉都好香。佢唔係0個D 配料味道蓋過晒扇貝那些煮法，我個人覺得恰度好處。香，但唔太濃既汁唔會搶左海鮮味，唔錯。第三度餸係0個個燒豬叉燒拼，燒豬皮好脆好香，叉燒都好香啦！呢個冇乜特別COMMENT，佢呢度聽講係出名食燒味的，所以可以肯定唔會差，但我個人覺得都係咁啦！第四度係龍蝦伊面。我對呢個餸有點失望，因為佢焗完出黎既感覺太乾身，睇都睇到佢好乾好DRY既感覺。但估唔到隻一斤龍蝦都好多肉食，夠晒飽。點講都係太乾太杰，唔係好0岩我口味。第五度餸係
話說回來，我們買了扇貝兩隻，唔記得左一條叫乜野班(老公揀的)，一斤澳洲龍蝦。0係海天再點了叉燒燒豬拼，原隻蛋黃壽飽。
首先侍應唔記得後上壽飽，我地變左第一道菜就係壽包！都OK啦！反正肚餓，照食！呢個係炸壽飽，好好味呀！外面好脆，入面好鬆軟，蛋黃好香好完整。老公唔鍾意食甜品都食晒成個大壽飽(想再食佢少少都冇機會添)
第二度餸係扇貝，好香，粉絲份量適中，扇貝蒸得剛好，唔老唔生！蒜蓉都好香。佢唔係0個D 配料味道蓋過晒扇貝那些煮法，我個人覺得恰度好處。香，但唔太濃既汁唔會搶左海鮮味，唔錯。
第三度餸係0個個燒豬叉燒拼，燒豬皮好脆好香，叉燒都好香啦！呢個冇乜特別COMMENT，佢呢度聽講係出名食燒味的，所以可以肯定唔會差，但我個人覺得都係咁啦！
第四度係龍蝦伊面。我對呢個餸有點失望，因為佢焗完出黎既感覺太乾身，睇都睇到佢好乾好DRY既感覺。但估唔到隻一斤龍蝦都好多肉食，夠晒飽。點講都係太乾太杰，唔係好0岩我口味。
第五度餸係條班，一句講晒！一流！好好味！超滑，超正！唔知係咪條魚易整定佢蒸得好，真係冇得彈！好難得可以食到條咁滑既魚！
最後送果盤，亦係超甜。唔錯唔錯！
順帶一提，我地帶左以上海鮮加工再加以上食品，埋單四百六，我都唔知呢個加工費叫平定貴，但我都好滿意！因為佢真係可以煮到海鮮有新鮮既感覺！
張貼
