影片
更多
2021-10-01
2728 瀏覽
地址－壹蒸鍋旺角西洋菜街1號兆萬中心15樓話說呢間野之前成日都幫襯, 難得係著名的“劣食之塔”中有間唔錯的餐廳, 所以都經常幫襯, 但因疫情關係, 都好少咁多人一齊外食, 而家疫情緩和左好多，難得一班朋友4人又得閒聚下, 所以都想食返呢間野。首先記得第一次黎食時一坐低就有小食拼盤, 後期CUT左, 只剩返蒸海鮮拼盤, 但我地等左一陣都未見上菜, 我就問侍應, 原來而家改左要另加$40才有海鮮拼盤, 即時覺得冇咁抵了💋海鮮拼盤，一上菜就比一大堆粉絲吸引左, 侍應好好地會上完菜後即時按下計時器, 到達時間都會及時停止, 開蓋, 我地就可以開動了XD，首先講下蜆先, 佢D蜆都幾大隻, 又多肉, 冇砂, 味道幾好，蠔就加左D蒜蓉上面，提升左唔少味道，都有鮮味, 幾好, 鮑魚我每次都唔太明白點解要加幾粒杞子係面, 食又食唔到味, 但對鮑肉本身又冇咩大幫助, 但鮑魚本身都爽口彈牙, 又大隻, 食落都幾爽下XD, 元貝就都好大粒下, 又唔痴牙, 佢又預先幫我地起左肉, 所以食得都幾方便, 唔錯。粉絲底其實仲有蝦, 龍躉同埋蟶子，首先講左蝦先, 佢本身都唔算大隻, 幾薄身下, 佢將佢切開一半, 但又好
旺角西洋菜街1號兆萬中心15樓
話說呢間野之前成日都幫襯, 難得係著名的“劣食之塔”中有間唔錯的餐廳, 所以都經常幫襯, 但因疫情關係, 都好少咁多人一齊外食, 而家疫情緩和左好多，難得一班朋友4人又得閒聚下, 所以都想食返呢間野。
首先記得第一次黎食時一坐低就有小食拼盤, 後期CUT左, 只剩返蒸海鮮拼盤, 但我地等左一陣都未見上菜, 我就問侍應, 原來而家改左要另加$40才有海鮮拼盤, 即時覺得冇咁抵了
💋海鮮拼盤，一上菜就比一大堆粉絲吸引左, 侍應好好地會上完菜後即時按下計時器, 到達時間都會及時停止, 開蓋, 我地就可以開動了XD，首先講下蜆先, 佢D蜆都幾大隻, 又多肉, 冇砂, 味道幾好，蠔就加左D蒜蓉上面，提升左唔少味道，都有鮮味, 幾好, 鮑魚我每次都唔太明白點解要加幾粒杞子係面, 食又食唔到味, 但對鮑肉本身又冇咩大幫助, 但鮑魚本身都爽口彈牙, 又大隻, 食落都幾爽下XD, 元貝就都好大粒下, 又唔痴牙, 佢又預先幫我地起左肉, 所以食得都幾方便, 唔錯。粉絲底其實仲有蝦, 龍躉同埋蟶子，首先講左蝦先, 佢本身都唔算大隻, 幾薄身下, 佢將佢切開一半, 但又好“痴殼”, 所以浪費左好多蝦肉, 如果用其他蝦或者另一種開法會好好多, 至少唔使咁浪費！而龍躉就好似有點過火, 食落有點鬆散, 而蟶子就幾好食, 好彈牙又冇沙，最後係主角─粉絲，佢處理得好好, 可能索左D海鮮, 好好食, 又唔會過火, 幾有咬口，唔錯！
💋蒸品，我地揀好多野食, 食到最尾居然話夠鐘LAST ORDER, 咁我地只好拿拿臨交單落埋火鍋配料, 我揀某部份做得好出色, 而第二輪都有叫的黎講吧！首先佢個瑤柱蒸水蛋, 佢做得好出色, 好滑溜, 好有茶碗蒸的感覺。陽江豉汁蒸白鱔, 佢選用的鱔都幾厚肉, 豆豉控制得幾好, 唔會落太多好鹹, 幾好。剁椒蒸魚頭雲，我嫌佢剁椒份量唔夠多囉！唔太夠辣, 多D會好好多, 佢第一次比的部位唔算多肉, 而第二次就好好多, 都幾多肉下。蒜茸蒸勝瓜，佢係上面鋪左D蒜蓉, 加埋勝瓜的清新感覺, 幾好。以下就我認為唔叫的都冇損失，蝦膏蒸吻魚頭，肉方面我唔評論, 同剁椒差唔多, 但佢調味方面我食唔到蝦膏的味道, 得個鹹字！佢上菜時我都諗左陣係咩東東。日本章魚燒，呢個其實即係魚蛋, 裡面包住粒章魚咁解, 好奇怪。
💋 火鍋配料，係食完兩輪的蒸品後, 我地都交左MENU去食火鍋, 我地初初揀左胡椒豬肚湯底, 一滾起就有陣胡椒香湧入, 感覺都幾足料, 唔錯，而佢D火鍋料都係D大路野, 冇咩特別, 加上我地黎主要唔係打邊爐, 所以都唔係點左好多野食
張貼
