快靚正燒味粉麵茶餐廳 (已結業)

黎開哩頭買餸，煮飯俾媽食慶祝佢生日，經過哩度斬左d燒味，就算我煮果d唔好味，都有餸丫🤣好近西九龍中心，個招牌吸睛離遠都見到。價錢標明喺當眼處，我媽中意食燒腩仔，爸中意食油雞，一人一味啦。見到d燒味乾淨企理，隔住玻璃都覺得好正。燒腩仔皮好脆呀，肉爽，肥瘦岩岩好，未開飯前都忍唔住偷食一件。叉燒都好食，有驚喜，有蜜味，個邊燒到脆，半肥瘦，好食過好多間燒味鋪。油雞半隻都好大盒，好入味，店員仲俾多盒薑蔥俾我，好友善。