吉野家 (已結業)

早兩日同男友行街，兩日成日都冇食野，五點幾經過呢度就入左食野，食佢個細牛肉飯，果收銀問加唔加兩蚊飲野，有幾款汽水仲有檸茶，因我地唔想飲汽水所以選擇檸茶啦，點知一拎到就覺唔對路喇，我同男友不約而同都問對方咁深色o既？我再問冇檸檬o既？我男友話可能已經「篤」左呢，點知一飲oh my god竟然係碧泉檸檬茶呀，都怪自己冇問清楚佢係咩檸茶啦，我同男友都唔飲碧泉o既，亦都冇諗過今時今日都仲有食肆會用碧泉檸檬茶，如果大家去食野加野飲之前記住問清楚喇，因為隻碧泉真係由細到大都係咁難飲o既，我地果杯「檸茶」o既結果係每人飲左一啖跟住就擺左o係度，碗飯就乾哽，好慘。