紅茶冰室

營業中

休息中

已經有好多個post 話d 職員態度好差，今日領教過，真係犀利過澳x 🤣 可能學成龍話齋，xx人係要被管的，所以小x書係咁吹捧。午飯時間12:15 入座，兩個人坐一邊四人卡位，話係四人卡位，但比一般四人卡位窄，非常擠逼，食物擺唔晒係張檯度，見對面咁啱食完走左，我轉去對面坐，但個阿姐即刻衝出黎鬧人，好似殺左佢全家咁，話唔比坐嗰個位。我環顧四週，有好幾檯都係四人卡位坐兩人。我明香港地茶餐廳講翻檯率，同阿姐講食完即刻走，但佢依然堅持要我地坐一邊😂食物= 一般茶記質素，豬排大份，個丹麥麵包落左勁多牛油。食個常餐，要成$60， 呢個價錢，呢個質素，識食既香港人大把選擇（例如：聯發茶餐廳台灣朋友黎香港，諗住帶佢試吓香港風味食物，結果果然好有「香港風味」。如果係香港人，就無謂去俾錢人受氣。 其實究竟點解呢間紅茶咁紅？好多人都係因為跟小x 書走去試，咁紅茶駛左幾多錢喺小x 書左宣傳就不得而知，但長遠黎睇，個個跟小x 書搵食，最後令到d 真係有心做, 做得好但冇錢宣傳既餐廳冇人去。劣幣驅逐良幣，最終係邊個賺左，邊個蝕左？