居食屋「和民」 (1亞太中心) (已結業)

以前中學讀書年代，感覺「和民」屬於中高檔餐廳，果時間中都會去食下，印象中食物質素係對得起價錢。近幾年都冇食過，今晚收工就同男朋友去緬懷下，點知食到一肚氣！先講環境，餐廳燈光比較暗，個座位仲有d食物碎，枱底仲有一灘水，真係好扣分。厚燒玉子一粒星都唔想俾ge系列！薄切厚燒玉子？！一上枱，我同男朋友9秒9互望，unbelievable！！！一睇個蛋ge顏色就知出事，食落一d蛋味都冇，仲要孤寒到切到咁薄！食到我懷疑人生…咁就要＄35！呢個價錢不如去茶記食個常餐，又或者買碗譚仔… 石鍋黑椒牛肉飯又係一粒星都唔想俾系列… 份量真係好少，重點係唔夠熱！攪到d牛肉食到最後都熟唔哂，真係未食過會唔夠熱的石鍋飯！完全冇黑椒味！完全冇飯蕉！食完都唔夠飽！牛肉壽喜燒呢個壽喜燒等左差唔多半個鐘，仲要催單先有。份量正正常常，裡面有肥牛、什菜、菇和一隻蛋。我同男朋友都覺得個湯底太甜啦，食完仲好口渴。就咁一個鍋當然唔會飽啦，所以再追加左個烏冬，埋單先知追加烏冬多謝你＄35！無論環境、衛生、服務、食物質素都好唔掂，劣評無誤 。