北海道牧場 (已結業)

曾經嚟過幾次，質素只屬平平。但今次經驗非常不快。周六午餐時段，只是貪佢應該有位且茶餐廳快手格局。到達時正好有兩至三張枱空置，但等候數分鐘期間，4位職員只迴避招呼，甚或叫我哋等等。終於有一位職員一臉不情願的到來帶位，又並非安排入座（仲要等啲咩呢？）而只給等位紙。好不容易被帶入座，卻被要求與另一對食客迫在卡位。本人拒絕，呢位職員又再一臉不滿意，下單時又態度差劣，牆上電視明明放映出幾個餐，並沒有寫明是早餐；客叫錯了，唔係提醒個客，呢個職員竟然冷笑一聲走開！最終午餐時段唯有忍耐。叫咗蕃茄湯叉燒蛋烏冬，及牛奶炒蛋湯粉加多士。叉燒肉質乾，蕃茄湯得個酸字，蛋放喺酸湯內破壞晒，烏冬不夠冧，份量亦少得可憐。整個餐質素不佳，服務可說是奇差。餐廳地下處處見垃圾，幾枱望正污糟廚房，衛生令人失望。不會再幫襯。