萬鎔少館 (已結業)

前排太悶碌碌下優惠訂購平台見到個午市點心放題優惠 (1.5小時)見佢$150左右一位咪去試下 點知原來係大伏！首先 佢本身kkday話一點至四點上去都可以食，點知佢原來慳咗1:30就要開始-_- 本來係俾安格斯和牛撈粗吸引左 點知去到menu變咗肥牛撈粗。。。已經覺得好似俾人呃咗上去咁其他點心上菜嘅時候都係凍冰冰，尤其是係個炒飯，唔講以為食緊冷飯 佢包嘅灌湯餃啲雞係霉嘅 個灌湯餃一不起就散晒，個湯仲要係凍嘅添嘢食唔好食都算，成餐飯上菜好慢，好似專登嘥緊我哋時間咁，個呀姐服務差到好惡劣，我起碼唔該前唔該後咁樣問佢嘢佢完全係黑面唔答我，上菜嘅時候大大力擺隻碟上枱，唔知係咪前世得罪佢咁！到最後埋單嘅時候要收茶介錢，$38一位諗住可以比八達通啦，點知佢死都淨係收現金一句講晒，下次佢免費我都唔會再上去食！