港城茶餐廳

營業中

休息中

都好少吃劣食，其實唔想，只是被逼。事原是老人家去了伊利沙伯醫院準備接受做手術 (相信都幾長手尾)。大家忙了一大輪，搞到晚上八點幾，已過晒探病時間，差點兒是被醫院人員趕著離開。大家步行回去佐敦，有人建議吃晚飯，其實事情發展到咁大家都沒什麼胃口，但是飯總是要吃的。於是，便隨意在港鐵站出口的一家茶餐廳吃飯。都差不多晚上9點，想吃的都已賣晒，我們只好點了一碟黑椒雞扒飯、一碟乾燒伊麵、一碟叉燒煎蛋飯和一碟油菜。本是對這些食物沒存什麼期望，但食落便開始感到絕望，無論色香味都低分過我們的高官們。不過，基於我們都是惜食之人，我們都盡力去把它們吃完。黑椒雞扒飯啲黑椒汁雖然好有黑椒味，但是實在太甜。一睇乾燒伊麵的色水不均勻，就知會是一啲有味有啲無味啦，所以，要自行再把它拌勻才敢食。不過始於都係淡得滯，唯有加了少少豉油來食，補救一下。叉燒蛋飯的叉燒好 “鞋” 好韌。最好食都算是碟油菜了，不過要成廿幾蚊，有點貴。今餐絕對是劣食。第日去探完病，一定要再在附近搵些好嘢食先得。