侘寂珈琲 (西九文化區)

營業中

休息中

今日帶個朋友去西九文化中心，佢未去過，而我就去過未食過入面嘅餐廳。嗰陣兩點幾，所以就諗住揀間Cafe入去。經過呢間，望望Menu覺得OK就入咗去。其實呢間cafe，環境幾好，望到海，但係嘢食真係好難食。我嗌左個三文魚意粉$128，真心唔誇張，係我食過最差嘅意粉。成碟意粉根本就係過完冷河直接放落去，之後上面加三文魚，意粉係沒有任何汁。而且三文魚好鹹。我問過侍應，想問呢個意粉係冇汁㗎？佢話係，我叫佢換過碟。佢同我講，叫廚房整啲汁俾你。之後就俾咗一碗，好希好似水嘅汁。最後，我食咗一啖三文魚，成碟冇食到，之後走左。劣食，以後唔會再去，亦都唔會推介任何人。