小肥羊

營業中

休息中

1. 服務員嚴重不夠，經驗不足，場面混亂成個場得幾個服務員，落單要叫好多次先有人應，而且睇得出服務員之間協調不足，明明有啲枱已經埋咗單都仲以為有嘢食要送過去，嘢食又唔知送去邊張枱送錯哂。嗰日去8點落單，去到9點都仲有嘢食未嚟，仲要咁遲先同我地講個有樣嘢冇哂要我地轉第二樣或者取消。2. 食物質素一般，收費略貴嗰日因為見到有優惠做緊送碟$208嘅羊先試下，但肉類水準一般，份量亦偏少，而且醬料費要成$15一位真係太貴。個招牌湯底係藥膳湯底但覺得冇乜味，但個湯底要$118實在唔值呢個價。仲有叫極服務員俾水都冇攞嚟，但嘢飲偏貴冇叫到，所以食完焗住要自己買嘢飲😅總括而言呢個價錢得咁嘅服務同食物水準就一定唔會再嚟。